Islam kia hai?

   بِسْمِ اللهِ الرَّحْمٰنِ الرَّحِيْمِ

Bismillah ir-Rahman ir-Raheem

Islam sirf aik mazhab nahi, balki zindagi ka mukammal nizaam hai jo insaan ko har maamlay mei rehnumayi faraham karta hai. Yeh deen sirf ibadat tak mehdood nahi, balki har shakhs ki zindagi ke har pehlu, insaf, mohabbat, sabr aur ikhlaqiyat ka behtareen dars deta hai. Is safhay par hum Islam ke bunyadi aqeedon, usoolon aur isk k haqqaniyat par roshni dalain ge, taake aap is paigham-e-haq ko samajh sakein aur iski roshni apni zindagi mei mehsoos kar sakein.

Islam aakhri aur faisla kun asmani mazhab hai, jo sab se mukammal hai aur jo aqeeda, taleem, akhlaq aur qanoon ka ek mukammal nizaam hai. Yeh un paighambaron ke paighamat ki takmeel hai jo Allah ki taraf se insaniyat ki rehnumai ke liye bheje gaiii. Yeh silsila Hazrat Adam (A.S) se shuru hua, aur Hazrat Isa ibn-e-Maryam (A.S) tak chala, jo Allah ke aakhri Nabi Hazrat Muhammad (S.A.W) se pehle bheje gaye the.

Islam woh aakhri paigham hai jo barson tak insaniyat tak nahi aaya tha, jab tak ke Hazrat Isa (A.S) ko Allah ne asmaan par utha nahi liya.

Islam ek aise mazhab ka paigham hai jo zindagi ka asal raaz batata hai:

• Hum kahan se aaye hain?

• Hamari is duniya mein aanay ka maqsad kya hai?

• Allah hum se kya chahta hai?

• Yeh duniya kis manzil ki taraf barh rahi hai?

• Mazloom log apne haq kaise hasil karenge?

• Kya zindagi sirf maut par khatam ho jati hai?

• Kya har shakhs ka ek kitaab aur naama-e-aamaal hai jo uske har amal ka hisaab rakhta hai?

Islam Ko Janiye pehchaniye

Islam ek aisa mazhab ka naam hai jo insaan ke andar sakoon, khud se sulah, aur Allah ki marzi meiii raza-mandi ka paigham hai. Islam insaan ko apne aap se, doosre makhluqat se, kainaat se aur har cheez se mohabbat aur salaamti ka dars deta hai. Islam ek mukammal nizaam hai jo ruh aur jism ke darmiyan ek pur-sakoon aur mutawazun raah dikhata hai.

Hum musalmaan yeh aqeeda rakhte hain ke insaniyat ki ibtida Hazrat Aadam (A.S) se hui, jinko Allah ne apne haathon se banaya aur apni taraf sy rooh ka ek hissa un meiii  phoonk diya.

Isi wajah se har insaan ke andar Allah ki dali rooh ka ek asar mojood hai jo farishton ki roohaniyat ko pasand karta hai, magar saath hi saath insani jism is duniya ke maze aur lutf ki taraf bhi hai. Islam ek misaali nizaam hai jo insaan ki fitrat ko samajhta hai aur ruh aur jism ke darmiyan ek azeem tawazun qaim karta hai.

Islam insaan ki kamzoriyon aur quwwaton ko samajhne wala mazhab hai, jo har shakhs ki islaah aur bhalai ke liye ek behtareen tareeqa aur nizaam banata hai. Yeh ek aise tareeqe ki dawat deta hai jo insaan ki nafsiati, ruhani aur jismi zarooriyat ka khayaal rakhta hai.

Hum dua karte hain ke yeh Website aap ke liye ek roshan raah sabit ho.

Pehli Isha'at ka Muqaddima 

"Aey Insano! Humne tumhein ek mard aur ek aurat se paida kiya aur tumhein quom aur qabail banaya taa-ke tum ek doosre ko pehchano. Tum meiii se sab se azeem woh hai jo Allah se sab se zyada darne wala hai. Beshak, Allah sab kuch jaane wala aur har baat se ba-khabar hai."
(Surah Al-Hujurat, 49:13)

Hum sab is duniya ke ek hii safar meiii  musafir hain. Hum sab ek hi zameen par rehte hain, ek hi hawa meiii saans lete hain, aur is kainaat ki naimat se mustafid hote hain.

Apni insani zimmedariyon ko faramosh kiye baghair, humein yeh yaad rakhna chahiye ke hamari ikhtilafat – chaahe mazhabi ho, zabani ho ya saqafati – hamari kamzori nahi, balki hamari asal daulat hain.

Hamara maqsad ek behtar duniya ka qiyam hai, ek aisi duniya jo zyada khushgawar ho, jisme aman ho, aur jisme har shakhs ki izzat ki jaye.

Musalmanon ke liye yeh yaqeen rakhna zrori hai
Hum Allah par, unke tamam paighambaron par aur unke bheje gaiii tamaam paighamat par imaan rakhte hain. Islam hamari zindagi ka buniyadi nizaam hai jo humein har baat ka sahi aur ghalat ka faisla sikhata hai.

Islam ne hamesha insaniyat ko mohabbat, bhai-chara aur aman ka dars diya hai. Yeh hamesha nafrat, tafreeq aur inteha pasandi ka mukhalif raha hai.

Humein kisi bhi mazhab ya aqeeday ka mazaq urane ki ijazat nahi di gayi, aur na hi Islam ke kisi pehlu par ilzaam ya tazleel bardasht ki ja sakti hai.

(Surah Al-Hujurat, 49:13)

Saari tareef Allah ke liye hai, jo tamaam jahaanon ka malik hai,
Jo nihayat meharbaan aur reham farmane wala hai,
Jis din ke faislay ka malik hai.
Hum sirf Teri ibaadat karte hain, aur sirf Tujh se madad maangte hain.
Humein seedha raasta dikha,
Un logon ka raasta jin par Tu ne apna karam farmaya,
Na ke unka raasta jin par Tera gazab nazil hua, aur na hi gumrahon ka.
(Surah Al-Fatiha 1:1-7)

Islam koi naya mazhab nahi hai, balke yeh un tamaam asal haqaiq ka nateeja hai jo Allah ne tamaam aqwaam tak apne paighambaron ke zariye pahunchai.
Islam asal mein aman ka paigham hai:

• Allah se sulah

• Apne nafs se sulah

• Allah ki tamam makhlooq se sulah

Islam ka maqsood sirf yeh hai ke insaan us raste par chale jo Allah tak le jaye.

Aaj duniya ki aik barhi taadaad – takreeban duniya ki har paanch (5) meiii se ek shakhs – Islam ko apna mazhab, apni pehchaan aur apni zindagi ka nizaam manta hai.

Isi wajah se yeh zaroori hai ke Islam ke buniyadi usool aur aqeeday ko mukhtasir lekin wazahat ke saath samjhaya jaye taa-ke jo log is mazhab ko behtar samajhna chahte hain, unhe asaan aur sahih maloomat muha-e-yya ho sakein.

Ghalat Fehmiyan

Mashhoor faransi dictionary Le Petit Robert ke mutabiq:
"Prejudice ek aisi soch ya aqeedah hai jo pehle se hi muashray, daur ya taleem ke asar se qaim ho, jo ek janib daar ya ghair mutanaasib soch ka nateeja hoti hai."

Har shakhs kisi na kisi daur meiii kisi na kisi cheez ke mutaaliq ghalat fehmiyan rakhta hai. Hum log baghair kisi daleel ya tehqiqat ke aksar logon, aqwaam, mazhab aur tehzeebon ke mutaaliq raiyy bana lete hain.

Yeh ghalat fehmiyan utni hi purani hain jitni purani insani tareekh hai. Insaan sirf aqal hi nahi, balke jazbaat ka bhi majmooa hai. Isi wajah se, jab hum kisi naye cheez ko dekhte hain ya sunte hain, hum aksar jazbati taur par react karte hain.

Jab hum kisi aisi cheez se milte hain jo hamare liye ajnabi hoti hai, to humara pehla jazbati reaction aksar darr ya nafrat hota hai. Ek nayii zuban, mukhtalif libaas, doosri tahzeeb – yeh sab cheezein aksar logon ko ajnabi lagti hain.
Magar kuch log inhi cheezon ko afsana aur tajassus ka asal markaz samajhte hain. Yeh unko naye darwaze kholne, naye logon aur naye afkar se waqif hone ka moqa deti hai. Pehle samajhna chahiye, phir faisla karna chahiye.

Islam aur uske asool ko behtar taur par samajhne se pehle, do ahem mawazuaat jo aksar media aur guftagu ka markaz rehte hain, un par baat karna zaroori hai:

1. Islamophobia

2. Dehshatgardi

Yeh zaroori hai ke in masail par khuli aur ilm-adad guftagu ki jaye taa-ke jo ghalat mila jula paigham diya jata hai, usko durust kiya ja sake.

Islamophobia

"Fobia" ek aisa khauf hai jo be-bunyad aur na-jaiz hota hai. Jis tarah kuch log khaas surat-e-haal ya cheezon se be-wajah ghabrahat mehsoos karte hain, usi tarah "Islamophobia" ek aisi soch ya jazbaat hain jo Islam aur Musalmanon ke baray meiii ghalat samajh aur nafrat par mabni hote hain.

Islamophobia ka Mafhoom

Islamophobia asal meiii Islam aur us ke maan'nay walon se be-wajah khauf ya nafrat ka izhar hai. Yeh aksar jahalat, ghalat maloomat, ya ghalat tashreehat ki wajah se paida hota hai. Kuch log Islam ko sirf aik siyasi nizaam ya tashaddud se jodh kar dekhte hain, jabke asal mein Islam ek aman, insaf aur rehamdili ka paigham hai.

Islamophobia ki Asal Wajahain

1. Jahalat aur Ghalat Maloomat – Log Islam aur Musalmanon ke baray meiii media ya ghalat zariye se sunaye gaii or log afwahon par yaqeen kar lete hain.

2. Siyasi Mafad – Kuch siyasi quwatein Islam aur Musalmanon ko aik khatra bana kar pesh karti hain taake apne mafadaat hasil kar sakein.

3. Intiha Pasandi ka Ghalat Taluq – Kuch log chand fardon ya groups ke amalat ko poore Islam ka naqsha samajh baithte hain, jabke Islam kisi bhi be-gunah insaan ke qatal ko sari insaniyat ka qatal qarar deta hai (Al-Quran, Surah Al-Maida 5:32).

Islamophobia ka Nateeja

Is be-bunyad dar aur nafrat ki wajah se:

• Musalmanon ke khilaf narmi aur samajhdaari k bajaye nafrat aur tashaddud barhta hai.

• Ek dosray ko samajhne aur izzat dene ki jagah, tana, zaleel karna aur na-insafi ko barhawa diya jata hai.

• Insaniyat aur bhai charay ki rooh khatam hoti hai.

Islam Kya Kehta Hai?

Islam aman, mohabbat, insaf aur haqq par mabni deen hai. Quran-e-Kareem meiii Allah Ta’ala farmatay hai:

"Ae Imaan walon! Tum sabke sab puri tarah Islam meiii daakhil ho jao, aur shaitaan ke raste par na chalo, woh tumhara khula dushman hai."
(Al-Baqara 2:208)

Islam kisi bhi be-gunah insan ke qatal ko haram qarar deta hai, chahe woh kisi bhi deen ya mazhab se ho:

"Jis ne kisi be-gunah insan ko qatal kiya, to goiya usne poori insaniyat ka qatal kiya. Aur jis ne kisi ki jaan bachai, to goiya usne poori insaniyat ki jaan bachai."
(Al-Maida 5:32)

Nateeja

Islamophobia aik na-sirf ghalat fehmi hai balki ek na-insafi bhi hai. Yeh sirf nafrat aur tafreeq ka sabab banta hai, jabke Islam asal mein sulah, izzat aur insaniyat ka deen hai. Har shakhs ki zimmedari hai ke woh ghalat maloomat ka shikar hone ki bajaye, khud sachai talash kare aur Islam ko uske asal taleemat ki roshni mein samajhne ki koshish kare.

Islam sirf insani haqooq hi nahi, balke muasharti insaaf, adal aur qanoon ki bhi hifazat karta hai. Har woh shakhs jo zulm ya dehshatgardi karta hai, wo Islam ka asal paigham nahi samajhta.

Islam aur Safai (Paaki)

Islam sirf roohani safai ka nahi, jismi safai ka bhi dars deta hai.

• Rozana paanch namazon se pehle wuzu karna

• Haftawar ghusal ka taqeeda

• Ramzan ka roza, jo rooh aur jism dono ki safai hai

• Paak kapray aur halal kamaai par zor

Islam aur Ma'ashra

Islam ek behtar insani nizaam banata hai jo mohabbat, sulah aur musawat par mabni hai.

• Gharibon ki madad

• Haqooq-ul-ibaad ka ada karna

• Aapas meii mohabbat aur izzat ka rawayya

• Zulm aur be-insaafi ki mukhalifat

Allah ki Wahdaniyat

Islam Allah ko iklauta Maalik aur Khaaliq manta hai. Quran meii farmaya gaya:

"Woh Allah hai, jo sab kuch dekh raha hai, sun raha hai, aur har cheez ka malik hai." (Surah Al-Hashr 59:22-24)

Allah Rehmat wala hai, Qudrat wala hai, aur har cheez ka behtareen Faisla karne wala hai.

Iman aur Allah ki Fitraat (Nature)

Iman aur tasavvur (imagination) ki koi bhi had unki fitraat ko samajhne meiii kami hai. Koi bhi soch ya rooh unki asliat ko poori tarah se nahi samajh sakti. Allah ki fitraat ko hum apni soch se tasavvur nahi kar sakte, kyunki unki asliat ko samajhna humari aqal ke bas ka kaam nahi hai. Allah ko humari soch, khayalon aur tasavvurat se samajhna mumkin nahi hai. Sirf unke sifat aur unke naam se hum Allah ko samajh sakte hain.

Iman ka Asal Mafhoom

Iman, ek aisi cheez hai jo insaan ki azadi aur ikhtiyar (free will) se aati hai. Iman ka matlab sirf yakeen karna nahi, balkay usay dil se qubool karna aur apni zindagi meiii uska amal lana hai. Jise hum sirf zabaan se na keh kar, dil se qubool karte hain, wahi asal imaan hai. Jab tak insaan apne iradey se iman nahi lata, uska iman puri tarah se mukammal nahi hota.

Allah ki hamari Zindagi meii majodghi’ (Presence)

Islam meiii, Allah har pal har lamha insaan ke saath hai. Jab hum "Allah" ka naam lete hain, to hum zindagi ke asal maqsad ko samajhte hain. Aaj kal ki modern zindagi meiii jab insaan Allah se door hota jaata hai, to uski zindagi ka asal maqsad bhi dhundhla ho jaata hai. Musalman har waqt Allah ki yaad mein rehte hain, har kaam, har soch aur har guftagu mein Allah ki yaad rakhte hain. Unka har kaam Allah ke naam se shuru hota hai:

• "Bismillah" (Allah ke naam se shuru karo)

• "Insha’Allah" (Agar Allah ki marzi hui toh)

• "Alhamdulillah" (Allah ka shukr hai)

• "Masha’Allah" (Jo Allah chahtay hai, wo ho gaya)

Allah ki Asliyat aur Unki Sifat

Musalmano ka yaqeen hai ke Allah ka koi shamil aur misaal nahi hai. Allah ki asliat ko samajhna mushkil hai, lekin unki sifat aur naam ke zariye hum unko samajh sakte hain. Quran meiii Allah ne apne aap ko is tarah se bayan kiya hai:

Sura 112: Al-Ikhlas
"Qul huwa Allahu ahad, Allahus-Samad, lam yalid wa lam yulad, wa lam yakul lahu kufuwan ahad."

(Translation: Say, 'He is Allah, [Who is] One, Allah, the Eternal Refuge. He neither begets nor is born, nor is there to Him any equivalent.'")

Allah ka naam hi unki tamam sifat ko sametay hue ek jazba hai. Musalman Allah ke naam, unki sifat ko yaad karte hue apni zindagi ko behtar banate hain.

Allah ke Asma-ul-Husna 

Allah ke asma-ul-husna yaani "Allah ke khubsurat naam" woh nam hain jo Allah ne apne liye chune hain, aur har ek naam Allah ki kisi na kisi sifat ko darj karta hai. Musalman Allah ke in naamon ko yaad karte hain aur unki zindagi meiii amal karte hain. (is k barey apko next subpage mei info mil jayegi)

Dua aur Zindagi Mein Allah ka Haath

Muslim har waqt dua karte hain aur apni har zaroorat mein Allah ki madad aur rehnumayi ko talash karte hain. Dua, Allah se apni har zaroorat ka izhaar karne ka zariya hai. Dua karte waqt musalman apne dil se Allah se apni har mushkil ka hal mangte hain.

Conclusion

Muslim apni zindagi ko Allah ke hukum ke mutabiq guzarne ki koshish karte hain. Unka har kaam Allah ke naam se shuru hota hai aur har soch aur har action mein wo Allah ki raza ki talash karte hain. Allah ka naam unki zindagi mein ek roshni hai, jo unhe har mushkil se guzarne mein madad deta hai.

Muhammad sallallahu alayhi wa sallam, duniya ke liye rahmat

Allah ki khasiyatain jaanne ke baad, hum kuch tareefain pesh karte hain jo tareekhi shakhsiyaat ne Muhammad, sallallahu alayhi wa sallam, ke bare meiiii ki hain.

Bismarck: “Maine saare aasmaani paighambaron aur kitaboon ka jaiza liya. Kyunke ye kitabain badal di gayi hain, mujhe sachhi hikmat nahi mili jo insaniyat ko khushi, taraqqi, aur bhalai de sake. Sirf Quran, jo Nabi Muhammad par nazil hua, woh doosri kitaboon se bohot behtar hai. Mainne har lafz meiii ilahi hikmat payi hai. Aisa kaam insaan ka nahi ho sakta.

Gandhi: Maine Muhammad (SAW) ki zindagi ko behtar samajhne ki koshish ki, jinhon ne aaj ke din laakhon logon ki soch par ghaman kiya hai. Mujhe ye samajh aa gaya ke unki talwaz nahi thi jo logon ke dilon meiiii Islam ka pegham phela gayi. Muhammad bohot humble the, unmein behad khudguzari thi, aur unhone apne doston ka khayal rakha. Yeh sab cheezein, aur na ke talwaz, unki kamiyabi ka asal sabab thi.

Goethe: Islam ka mahan nabi Allah ke dar par chadh gaye aur unhone unhe paaya. Main dil se unki miraj par yakeen rakhta hoon.

Dostoievski: Nabi Muhammad ka asal karamat Quran hai, jo farishte ke zariye nazil hua. Yeh aakhri kitab hai jo Torah aur Bible ke baad nazil hui. Yeh shayari se bhi behtar hai, aur iski asal tarjuma karna mumkin nahi. Iski shiddat aur hikmat har kisi ko mohit kar deti hai.

Prof. Michael H. Hart: Maine apni kitab 'The 100' meiii Nabi Muhammad ko sab se ahem shakhsiyat ke tor par rank diya. Wo akele insaan hain jo apne mazhabi mission aur social mission meiii itne kaamyaab rahe. Islam ki khoobsurat rehnumai kisi bhi mazhab ki tulna meiii behtar hai. Yeh mazhab aaj bhi duniya bhar meiiii logon ko apni taraf kheeche raha hai.

Thomas Carlyle: Agar kisi mahan yojana, kum sadhan aur bepanah natije ko genius ki pehchan mana jaye, to kaun Muhammad (SAW) ki tulna kar sakta hai?

Alphonse de Lamartine: Islam idols ki puja ko khaas tor par nishana banata hai; Allah ke ilawa koi maabood nahi, aur Muhammad (SAW) unke rasool hain.”

Napoleon Bonaparte: Muhammad, sallallahu alayhi wa sallam, Makkah meiii paida hue. Unki paidaish ki tareekh puri tarah se nahi maloom, lekin aam taur par mana jata hai ke unka janam 571 meiiii hua. Wo 632 meiiiii Medina meiiii wafat pa gaye.

Muhammad, sallallahu alayhi wa sallam, ne 40 saal ki umar meiii nubuwwat ka silsila shuru kiya, jo 23 saal tak chala, jismein se 13 saal Makkah meiiii aur 10 saal Madina meiii guzre.

Islam Allah ka aakhri paigham hai, jo insaniyat ko uske asal haqeeqat aur khushiyon ki raah dikhata hai. Muhammad, sallallahu alayhi wa sallam, ne zindagi bhar simplicity aur insaniyat ka paigham diya. Unki zindagi, lafz aur amal sab jaane pehchaane hain. Wo hamesha sachai aur imandari se jeete aur kisi bhi halat meiii apne waade ko poora kiya.

Quran meiii unke bare meiii kaha gaya hai:

Phir, Allah ki rehmat se tum unse narm rah gaye, agar tum kathor dil hote, to log tumhare ird gird se bhag jate." (Sura 3, Ayat 159)

Nabi, sallallahu alayhi wa sallam, sab logon ko barabar samajhte the aur na kabhi ameer aur gareeb meiii farq kiya. Unki zindagi ka har pehlu hamesha insaniyat ke liye rahmat tha.

Yeh cheezein unki zindagi ki wo misaal hain, jo humein insaniyat ki asal raah dikhati hain.