ADVICE

Mein yeh sab likh kar yeh sabit nahi karna chahti ke har molvi ya religious leader bilkul theek hai. Har shakhs galti kar sakta hai, aur hum sab ko apni galtiyon ko samajhna aur dusron ko bhi batana chahiye ke unki galti kahan thi, kyun thi aur kaise thi. Sabse zaroori baat yeh hai: AP KHUD KIU NAHI SOCHTEY?

Tehqiqat karna, apne ilm ko barhana aur apne deen ko samajhna yeh galat nahi. Islam ko samajhna apni zindagi mei sabse behtareen faisla hai. Agar aapko kisi baat par shak ho, agar aapko kisi page ya statement se doubt aaye, toh apni tehqiqat khud karna zaroori hai. Apni samajh ko gehra karna, doosron se raye lena, lekin apne faislay khud karna — yeh apka haq hai.

Sabse pehli aur aakhri baat yeh hai, Islam ko samajhna, apne aap se padhna aur uss ilm ko apni zindagi mei utarna zaroori hai. Aapko jo shakhs apne deen ke hawale se koi baat kare aur agar aapko lagay ke uski baat mei koi galatfehmi ho, toh usse sawaal zaroor karein. Galti ko samajhna zaroori hai, lekin dosray ki izzat ko nuqsan pahuchaye bina.

Aap apni tehqiqat karein, apne faislay khud karein, aur jab aap kisi ko apni raye den, toh usay sachai aur ilm se bhara ho. Tanqeed aur ilzam lagana, kisi ko neecha dikhana, yeh hamesha galat hai. Humein apni baat sachai ke hawale se rakhni chahiye, na ke kisi shakhs ko neecha dikhane ke liye. Hum sab ka farz hai ke hum apni soch ko barhayein, apne ilm ko mazboot karein aur doosron ko bhi haqeeqat se roshan karein.

Islam mei har shakhs ko apne ilm ko barhane ka haq hai, apni zindagi mei us ilm ko apnane ka haq hai. Agar hum apne ilm ko behtar bana lein, apni tehqiqat se sachai ko samajh lein, toh hum apni naslon ko bhi sahi raasta dikha sakte hain. Apni deen ko samajhna, sirf apni zindagi ke liye nahi, balkay apne aane wali naslon ke liye bhi zaroori hai.

O Allah, humein hidayat de aur humein naik amal karne ki tawfeeq de, aur humein un logon mein shamil kar jo baat ko sunte hain aur usmei se behtareen ko apnaate hain. O Allah, humein sachai walay logo mei shamil kar, jo tera ilm talash karte hain, aur humein tera deen samajhne aur uspe amal karne ki madad farma. O Allah, humein un logon mei shamil kar jo ilm aur hikmat ke saath doosron ko hidayat dete hain, aur humein un logon mei na shamil kar jo doosron ko gumraah karte hain, Ameen.